ҶСП «Вавилон-Мобайл» (минбаъд дар матн “Оператор”) ба корбурди маълумотҳои шахсии Муштарӣ хеле ҷиддӣ рафтор менамояд. Лутфан, маълумоти зеринро хонед, то ки бо сиёсати ҶСП «Вавилон-Мобайл» оиди корбурди маълумоти шахсӣ (минбаъд дар матн “Сиёсат”) шинос шавед.

Сиёсати мазкур тарзи қабул, ҷамъоварӣ ва истифодаи маълумот дар сомона, ки дар суроғаи www.babilon-m.tj (“Сомона”), замимаи «Моби Гап» (минбаъд дар матн «Моби Гап») ва дар дигар пешниҳодҳову хизматрасониҳои (минбаъд дар матн дар якҷоягӣ “Хизматрасониҳо”) дар сомонаи www.babilon-m.tj пешкаш мегардад, маълум менамояд.

Бо баробари ба ин Сомона ташриф овардан ё истифодабарии Хизматрасони, Муштарӣ бо қоидаву шартҳое, ки дар Сиёсати мазкур тавсиф шудааст, ки метавонад бо мурури замон тағийр ёбад, розӣ буда онҳоро қабул менамояд

Ҳар бор, ҳангоме ки Муштарӣ ба Сомона ташриф меорад ё Хизматрасониҳоро истифода менамояд, Муштарӣ ба Оператор барои ҷамъоварӣ, истифода ва ошкор кардани маълумоти пешниҳод намудани Муштарӣ мувофиқи тартиботе, ки дар Сиёсати мазкур муқаррар гардидааст, розигии бевоситаи худро медиҳад.

Шарҳи истилоҳоти истифодашуда: бо истифодаи ибораи “Маълумоти шахсӣ” дар Сиёсати мазкур, Оператор маълумоти шахсии Муштарӣ, ки барои муайян намудани ҳувияти Муштарӣ истифода мешавад, ба монанди: ному насаб, суроғаи зист, суроғаи имейли ва амсоли онҳоро, дар назар дорад.

Бо истифодаи ибораи “Маълумоти беимзо” дар Сиёсати мазкур, мо маълумотеро дар назар дорем, ки бо воситаи он ҳувияти Муштарӣ ё ки ба маълумоти шахсии Муштарӣ алоқаманд набуда, ба амсоли маълумотҳои маҷмӯъгашта, маълумоти умумии демографӣ ва суроғаҳои IP, ошкор намегардад. Маълумоти беимзо имкон намедиҳад, ки ҳувияти шахсӣ воқеӣ муайян гардад.

1. Ҷамъоварӣ ва истифодаи маълумот

Ҳангоми насб намудани Замимаи «Моби Гап» ва бақайдгирӣ дар он Муштариро лозим аст замимаро аз сомонаи ширкат боргири нумуда, сипас рақами телефоне, ки муштарии Оператори ҶСП «Вавилон-Мобайл» мебошад, мечинад ва тавасути смс-пайёмак «рақамҳои махсус» ба рақами телефон омадаро дар замимаи мечинаду замимаи «МобиГап» ба тариқи автомати фаъол мегардад.

Нусхаи рақамҳои телефонӣ ва номҳо аз рӯйхати тамосҳои Муштарӣ (аммо, ғайр аз суроғаи имейл, қайдҳо ва дигар маълумотҳои шахсӣ аз рӯйхати тамосҳо) дар серверҳо захира шуда танҳо барои мақсадҳои зерин истифода мешавад:

• огоҳӣ намудан оиди фаъолияти тамосҳои Муштарӣ дар замимаи «Моби Гап»;
• муайян намудан, ки кадоме аз тамосҳои Муштарӣ аллакай истифодабарандаи замимаи «Моби Гап» аст;
• дуруст нишон додани номи тамосҳо — дар он намуде, ки дар рӯйхати тамосҳо нишондода шудааст – ҳангоми зангҳои воридотӣ;
• ҳамоҳангсозии тамосҳо ҳангоми оғоз намудани замимаи «Моби Гап» дар iOS.

Нусхаи рӯйхати тамосҳо (номҳо ва рақамҳои телефонӣ) дар маркази иттилоотии барӯзшаванда захира мегардад. Дар маркази иттилоотии мазкур захираи иловагӣ ва таърихи онҳо насб намегардад. Ҳангоми нест кардани рӯйхати тамосҳо аз ҷониби Муштарӣ, маълумотҳо фавран ва абадан пурра аз серверҳои Оператор пок карда мешавад.

Рақами телефонии Муштарӣ бо мақсади муайян намудани ҳувият ҳамчун номи корбурд дар замимаи «Моби Гап» истифода мешавад. Оператор инчунин барои ҳар як иттилоот ва зангҳое, ки аз системаи Оператор мегузарад, хизматрасонии сабти муфассали зангҳо (CDR)-ро истифода мебарад.

2. Паҳн ва ифшои маълумот

Оператор ягон маълумотро ба ҷониби сеюм, ғайр аз ҳолатҳои дар поён дарҷгардида, барои истифода, ё паҳннамоӣ пешниҳод наменамояд. Оператор метавонад Маълумоти шахсиро дар ҳолатҳои зерин ифшо намояд:

• ҳангоми иҷро намудани талаботи қонунгузорӣ ва ё қарори додгоҳ нисбат ба Муштарӣ;
• ҳифзи ҳуқуқ ё моликият (аз он ҷумла иҷро намудани созишномаи мо);
• таъмини амнияти шахсии истифодабарандагон бо риояи намудани талаботи қонун ва ҳолатҳои дар боло зикршуда таъмин карда мешавад.

Дигар маълумотҳои дахлдор, ки Муштарӣ бо хоҳиши худ тариқи формаи тамос дар сомона ва пурсишҳо, ки бо розигии Муштарӣ сурат мегирад, пешниҳод менамояд, бо мақсади омӯзиши фикру пешниҳодҳои Муштариён ва беҳбуд намудани хизматрасони, маҳсулотҳо ва сомонаи ҶСП «Вавилон-Мобайл» истифода_мешавад.

3. Бехатарӣ

Оператор барои ҳифзи Маълумотҳои шахсӣ аз истифодаи нодуруст, гум ва дастрасии беиҷозат чораҳои оқилонаро меандешад.

Агар, новобаста аз чорањои андешидашудаи Оператор маълумоти шахсии Муштарӣ ѓайриќонунї ва беасос дастрасї дигарон шавад, дар ин њолат, Оператор дар назди Муштарї (Шумо) ягон масъулият (љавогарї) надорад.

Масъулият (љавобгарї) дар ин њолат пурра ба зиммаи шахс, ки ба ин гуна кирдор роњдодааст, гузошта мешавад.

4. Ворид намудани тағийротҳо ба Сиёсат

Дар њолатњои зарурї, Оператор ҳуқуқ дорад Сиёсати мазкурро аз нав дида баромада, ба он таѓйиру иловањо ворид намояд.

Оператор пас аз ворид намудани таѓйиру иловањо ба Сиёсати мазкур маълумотҳои дахлдороро љињати шинос шудани Муштарї дар сомонаи расмии худ љойгир менамояд. Оператор маълумоти шахсии Муштариро бидуни розигии пешакии он, ба ғайр аз њолатњои дар Сиёсати мазкур пешбинишуда, ба манфиати худ ва ё дигарон истифода намекунад.

Оператор бо мақсади ба истифодабарандагон фароҳам овардани имконияти шинос шудан, Сиёсати тањияшударо дар сомона нашр менамояд.

Муштарӣ ӯҳдадор аст бо мақсади огаҳ шудан аз тағийротҳо, Сиёсати мазкурро аз нав хонда бо шарти онҳо шинос шуда розигии худро диҳад.

Истифодабарии замима ба мўњлати тӯлонӣ аз љониби Муштарї маънои розӣ будани онро бо тағийротҳо ва шартҳои бо Сиёсат ворид намудаи Операторро дорад.

Дар ҳолати розӣ набудани Муштарӣ бо Шартњои дар Сиёсати мазкур пешбинишуда ва таѓйироту иловањои бо он ворид гардида, Муштарӣ набояд аз Сомона, Замимаи «Моби Гап» истифода кунад.

Агар Муштарї аз Замимаи «Мобигап» истифода барад, ин маънои (далели) ба шартњои дар Сиёсат пешбинишуда розї будан ва онро ќабул доштани Муштариро дорад.

5. Маълумотҳо барои тамос

Муштариён њуќуќ доранд ҳамаи саволҳоеро, ки ба Сиёсат рабт дорад, ба суроғаи зерин фиристанд:

• ҶСП «Вавилон-Мобайл»
• 734012, Ҷумҳурии Тоҷикистон, ш. Душанбе, кучаи. Дехлавӣ 4.
• Тел.: (+992 44) 600-10-10
• Факс: (+992 44) 600-20-20
• E-mail: info@babilon-m.tj

ҶСП «Вавилон-Мобайл»(минбаъд дар матн “Оператор”), ки дар асоси Литсензияи Хадамоти алоқаи назди Ҳукумати Ҷуҳурии Тоҷикистон таҳти рақами №15-287-ҶТ аз 26.11.2015 с. фаъолият менамояд, ба истифодабарандагон хизматрасониҳои зангҳои садоӣ, зангҳои видеоӣ ва пайёмҳои матнӣ тариқи замимаи (минбаъд дар матн «Моби Гап») дар таҷҳизотҳои мобилӣ, ки барои боргирӣ ва насб намудан аз сомонаи ҶСП «Вавилон-Мобайл» дар суроғаи www.babilon-m.tj (минбаъд дар матн «сомонаи Оператор») ва инчунин аз Google Play Market ва Apple AppStore (минбаъд дар матн «Сайт») дастрас аст, пешниҳод менамояд.

Созишномаи мазкур (минбаъд дар матн “Созишнома”) як санади қонунии ҳатмӣ ба ҳисоб рафта байни Оператор ва Муштарӣ ба имзо расида, дорои ҳуқуқҳо ва ӯҳдадориҳои Муштарӣ ва Оператор оиди истифодабарии замимаи «МобиГап» мебошад. Бо баробари истифода бурдани замимаи «МобиГап» Муштарӣ бо шартҳои Созишномаи мазкур, қоидаҳои махфияти Оператор шинос буда онҳоро қабул менамояд.

1. ТАВСИФИ УМУМИИ ЗАМИМАИ «МОБИ ГАП»

1.1. Замимаи «Моби Гап» ба Муштарӣ имкон медиҳад зангҳои садоӣ ва видеоӣ, табодили пайёмакҳои фаврии чатӣ, қабули зангҳое, ки ба таҷҳизоти Муштарӣ ба амал меояд, содир намудани зангҳои содиротӣ ба таҷзиҳоти Муштарии Муштариёни Оператор, инчунин ба рақамҳои муштариёни дигар ширкатҳои мобилӣ, иҷро намояд.

2. ИСТИЛОҲҲО ВА ШАРҲИ ОНҲО

2.1. Муштарӣ – шахси воқеӣ (шаҳрванд), соҳибкори инфиродӣ ё шахсони ҳуқуқӣ, ки бо Оператор шартномаи муносиб оиди хизматрасониҳо ва вогузорӣ намудани Рақами (рақамҳои) муштарӣ имзо намудааст, мебошад.

2.2. Рақам – рақаме, ки дар шабакаи алоқа аз ҷониби Оператор ба Муштарӣ вогузорӣ шуда, дар шабакаи алоқа таҷҳизоти муштариро бо Сим корти Оператор дар он, айнан муайян менамояд.

2.3. Таҷҳизоти муштарӣ – таҷҳизоти интиҳоии қонунӣ истифодашавандаи Муштарӣ, ки ба Муштарӣ бо воситаи пайваст намудни таҷҳизоти мазкури интиҳоӣ дар шабакаи алоқаи Оператор барои дастрасӣ ба хизматрасониҳои Оператор истифода мешавад, мебошад.

2.4. Мушахассоти Муштарӣ – бахши Утоқи муштарӣ буда, дар он мушахассоти шахсии ӯ: ному насаб, мушахассоти шиноснома ва дигар маълумотҳо, ки Муштарӣ ҳангоми бақайдгирии симкорт ҳатман ворид мегардад.

2.5. Зангҳои IP-to-IP – зангҳое (садоӣ ва видеоӣ), ки тариқи замимаи «МобиГап»дар шабакаи IP (аз ҷониби Муштарии замимаи «МобиГап» истифодабаранда ба ҷониби Муштарии замимаи «МобиГап» истифодабаранда) оғоз ё хотима мегардад.

2.6. Зангҳои SIP IN – зангҳое, ки дар шабакаи телефонӣ оғоз ёфта дар шабакаи IP (ба ҷониби Муштарии замимаи «МобиГап» истифодабаранда) хотима мегардад.

2.7. Зангҳои SIP OUT – зангҳое, ки дар шабакаи IP (аз ҷониби муштарии замимаи «МобиГап» истифодабаранда) оғоз ёфта дар шабакаи телефонӣ (ба Муштарие, ки ҳангоми қабули занг замимаи «МобиГап» истифода наменамояд) хотима мегардад.

2.8. Чат – воситаи мубодилаи пайёмҳо тариқи шабакаи роёна (компютер) дар режими воқеӣ, инчунин тариқи барномае, ки барои рӯй додани чунин мубодила шароит фароҳам меорад.

2.9. Ҳисоби шахсӣ – сабти номи ҳисобдори таҳлилӣ дар ХМИ-и Оператор, ки ба Муштарӣ амалиёт дар ҳисоби шахсӣ оиди пешниҳоди хизматрасонӣ ва пардохти онҳо нишон медиҳад, муқаррар мегардад.

2.10. Номи корбар – Рақами муштарӣ ва рамз, ки барои ворид шудан ба замимаи «МобиГап» муқаррар шудааст.

2.11. Ҳисоби Муштарӣ – сабт дар базаи мушаххасоти Платформаи замимаи «Моби Гап», ки дар он маълумот оиди Муштарӣ ва аз он ҷумла, вале на маҳдуд ба, Номи корбар нигаҳ дошта мешавад.

2.12. Боздошт – масдудияти дастрасии Муштарӣ ба замимаи «МобиГап» аз ҷониби Оператор аз он ҷумла, вале на маҳдуд ба ҳолатҳое, ки дар ҳисоби Муштарӣ вуҷуд надоштани маблағи кофӣ барои истифодаи замимаи «Моби Гап», ё пешниҳод намудани маълумоти нодуруст, кӯҳна, нопурра ҳангоми пур намудани Мушахассоти Муштарӣ, сурат мегирад.

2.13. Ҳол – функсияи замимаи «Моби Гап», ки барои дидани вазъи ҳамсӯҳбат имкон медиҳад: “онлайн”, “ғоиб будан”, “ҳузур надоштан”, “пинҳон” ва ғайраҳо. Муштарӣ вобаста ба ҳоли худ метавонад ҳоли худро интихоб намояд ё ки ҳол бо тарзи автоматикӣ тағийр меёбад.

3. ФУНКСИЯҲОИ ЗАМИМАИ «МОБИ ГАП»

3.1. Замимаи «МобиГап»ба Муштарӣ имкон медиҳад функсияҳои зеринро истифода барад:

• Содир ва қабул намудани зангҳои садоӣ ва видеоӣ тариқи IP-to-IP;
• Содир ва қабул намудани зангҳо ба/аз шабакаҳои телефонӣ (SIP IN ва SIP OUT);
• Мубодилаи чат-пайёмҳо тариқи IP-to-IP;
• Илова намудан ё тағийр додани мушахассоти шахсии худ;
• Ҷустуҷӯ намудани дигар Муштариёни замимаи «МобиГап»аз рӯи маълумоти мушахассгардида;
• Идора намудани ҳоли худ дар замимаи «Моби Гап»;
• Аз сарчашмаи Оператор насб намудани барӯзгардонии замимаи «Моби Гап».

3.2. Дастрасии функсияҳо аз Ҳоли ҳозир будани дигар Муштарӣ, мавҷуд будани рақами телефон дар рӯйхати тамосҳо, инчунин мавҷуд будани замимаи «МобиГап»дар таҷҳизоти дигар Муштарӣ вобаста аст.

3.3. Функсияҳои замимаи «МобиГап» метавонад бо ихтиёри Оператор дар ҳама ҳолат тағийр ёбад, ки бо он тағийротҳо Муштариён метавонанд аз сомонаи Оператор шинос шаванд.

4. МАҲДУДИЯТИ ИСТИФОДАБАРИИ ЗАМИМАИ «Моби Гап»

4.1. Созишномаи мазкур то лаҳзаи барҳам додани он аз ҷониби Муштарӣ ё аз ҷониби Оператор эътибор дорад. Муштарӣ метавонад дар лаҳзаи дилхоҳ Созишномаи мазкурро бекор намояд ва/ё бо ихтиёри худ аз истифодаи замимаи «МобиГап» даст кашад.

4.2. Оператор дар навбати худ дар дилхоҳ вақт метавонад Созишномаи мазкурро бо Муштарӣ бекор намояд, муваққатан ё тамоман имконияти истифодабарии замимаи «МобиГап» ро дар ҳолатҳои зерин маҳдуд намояд:

4.2.1. Риоя накардани шартҳои Созишномаи мазкур аз ҷониби Муштарӣ;

4.2.2. агар, Оператор асос дошта бошад, ки Муштарӣ бо истифода аз замимаи «МобиГап» қонуншиканӣ ё ҳуқуқи ҷониби сеюмро вайрон менамояд;

4.2.3. агар, Оператор асос дошта бошад, ки Муштарӣ бо мақсадҳои ғаразнок замимаи «МобиГап» истифода менамояд;

4.2.4. агар, Оператор асос дошта бошад, ки Ҳисоби Муштарӣ аз ҷониби шахси сеюм бо мақсади фиребгарӣ истифода мегардад;

4.2.5. агар, бинобар ворид намудани тағийрот дар қонунгузорӣ ва (ё) санадҳои ҳуқуқӣ аз ҷониби мақомоти ваколатдори давлатии Ҷумҳурии Тоҷикистон, зарурят пайдо шавад;

4.2.6. агар, ҳангоми бақайдгирӣ дар замимаи «МобиГап» Муштарӣ маълумоти нодуруст, кӯҳна, нопурра пешниҳод намояд.

4.3. Ҳамаи маълумотхои аз ҷониби Муштарӣ нашршаванда, фиристодашаванда, қабулшаванда тариқи замимаи замимаи «Моби Гап», аз он ҷумла, вале на маҳдуд ба матни ҳол, аксҳо, видео ва дигар робитаҳо якҷоя «Маълумотхои Муштарӣ» номида мешавад. Чунин Маълумотхои Муштарӣ метавонад дар доираи замимаи «МобиГап» аз ҷониби Муштарӣ ҷойгузорӣ ва нашр гардад ва онро дигар Муштариёни замимаи «МобиГап» метавонанд бубинанд.
Муштарӣ эътироф менамояд ва розӣ ҳаст, ки ҳар маълумотхои Муштарӣ метавонад аз ҷониби дигар Муштариён, ки дорои Рақами муштарӣ ва замимаи «Моби Гап», ки дар таҷҳизоте муштарӣ насб шудааст, дида шавад;

4.4. нисбати ягон маълумотҳои инфиродии пешниҳоднамудаи Муштарӣ Оператор кафолат намедиҳад. Муштарӣ барои натиҷаи ҷойгузорӣ ва нашр намудани маълумотҳои шахсӣ худ, Муштарӣ худ комилан ӯҳдадор мебошад. Маълумотхои шахсии Муштарӣ мавқеъ ва муносибати Операторро баён наменамояд, Оператор саҳеҳ будан ва ҳолати ҳуқуқии Маълумотхои пешниҳоднамудаи Муштариро масъул нест;

4.5. Ҳангоми истифодабарии замимаи «МобиГап» Муштарӣ метавонад бо маълумоте, ки мумкин аст таҳқиромез, ношоиста ё номатлут ҳисобида шавад, бархӯрад. Бо вуҷуди ин, бо такия ба таваккал Муштарӣ барои истифодаи замимаи «МобиГап» розӣ мегардад. Бинобар ин Оператор дар назди Муштарӣ барои маълумотҳое, ки мумкин аст таҳқиромез, ношоиста ё номатлут ҳисобида шавад, масъулият надорад;

4.6. Оператор барои дастрас намудани истифодабарии замимаи «МобиГап» дар ҳар ҷо ӯҳдадор нест. Муштарӣ бо ихтиёри худ замимаи «Моби Гап»-ро истифода менамояд ва барои риояи қонунҳои амалкунанда худаш масъул аст. Оператор ҳақ дорад дар ҳама ҳолат ҳангоми риоя нашудани шартҳои Созишномаи мазкур ё дастури мақомотҳои дахлдори давлатии Ҷумҳурии Тоҷикистон, дастрасии Муштариро ба замимаи «МобиГап» боздошт, ва ё қатъ намояд.

5. ТАРОФАГУЗОРӢ

5.1. Замимаи «МобиГап» тарофагузории зангҳои SIP OUT аз рӯи истифодаи он ва мутобиқи тарофаҳои Оператор ки дар сомонаи Оператор нашр шудааст, ба назар мегирад.

5.2. Зангҳои садоӣ ва видеоии SIP IN, IP-to-IP ва чатҳои IP-to-IP дар замимаи «Моби Гап», тарофагузорӣ намешавад, ғайр аз пардохти хизматрасонҳои интиқоли маълумот мутобиқи нақшаи тарофаи амалкунандаи Оператор.

5.3. Ҳисоббарорӣ аз ҳисоби шахсии Муштарӣ, ки ба ӯ Рақами Муштарӣ тааълуқ дорад, сурат гирифта мувофиқи тарофагузории амалкунанда ҳисоб карда мешавад. Бо тарофаҳо метавон аз сомонаи Оператор шинос шуд.

5.4. Агар, Муштарӣ дар як вақт бо чанд Муштариёни дигар дар режими телеконфронс зангҳои садоӣ тариқи SIP OUT оғоз намояд, дар ин ҳолат зангҳо аз рӯи миқдори зангҳо (Муштариёни дар конфронс иштирок кунанда), мутобиқи тарофаҳои муқарраргашта тарофагузорӣ мегардад.

5.5. Оператор ҳақ дорад дар ҳама ҳолат бо пешакӣ огаҳ намудани Муштарӣ ба тарофаҳои замимаи «МобиГап» тағийрот ворид намояд, ки бо он тағийротҳо аз сомонаи Оператор шинос шудан мумкин аст.

6. ТАРТИБИ БАҚАЙДГИРӢ ДАР ЗАМИМАИ «Моби Гап»

6.1. Муштарӣ аз сомонаи Оператор замимаи «Моби Гап»-ро боргирӣ менамояд.

6.2. Муштарӣ мувофиқи дастурамал оиди насбгардонӣ дар таҷҳизоти муштарӣ замимаи «Моби Гап»-ро насб менамояд.

6.3. Муштарӣ ҳангоми доштани рақами фаъоли Оператор, Муштариро лозим аст мутобиқи дастурамал рақами фаъоли худро ворид намуда бо шартҳои Созишнома розӣ шуда онҳоро қабул менамояд.

6.4. Муштарӣ ҳангоми надоштани рақами мавҷудаи фаъол, Муштариро лозим аст ҷараёни бақайдгириро тибқи талаботи қонун гузарад, ки дар натиҷаи он Муштарӣ соҳиби Рақам ва Номи корбар мегардад.

6.5. Барои соҳиби Рақам ва Номи корбар гаштан, Муштариро лозим аст:
6.5.1. Маълумотҳои зеринро, ки ба Мушахассоти Муштарӣ тааълуқ дорад, ҳатман пешниҳод намояд:

• Ному насаб;
• Рақами шиносномаи амалкунанда;
• Рӯзи таваллуд;
• Рақами мобилии фаъол, ки бояд бо формати байналмиллалӣ ворид шавад, ё суроғаи электронӣ барои қабул намудани Номи корбар пешниҳод гардад.

6.5.2. Муштарӣ дар замимаи «МобиГап» бо Созишнома ва шартҳои он шинос шуда, тариқи пахши тугмачаи «Бо шартҳои Созишнома розӣ ҳастам», розигии худро медиҳад.

6.6. Баъди мутобиқи банди 6.3 ё 6.4-6.5 гузаштани бақайдгирӣ, Муштарӣ Номи корбарро ба Рақам ё суроғаи электронии пешниҳоднамудааш қабул менамояд. Ворид намудани Номи корбар ба Муштарӣ имкон медиҳад ҷараёни бақайдгириро дар замимаи «МобиГап» хотима дода, аз имкони истифодаи замима пешниҳод мегардад.

6.7. Дар ҳолати аз ҷониби Муштари иҷро нагаштани талаботҳои пешниҳод намудани маълумот ва ё маълумоти номувофиқ, Оператор ҳақ дорад бақайдгириро барои Муштарӣ манъ намояд.

6.8. Ҳангоми дар ҷараёни бақайдгирӣ, мутобиқи шартнома оиди пешниҳоди хизматрасонӣ ва рақам пешниҳод гаштани Рақам ба Муштарӣ, бо онҳо метавон аз сомонаи Оператор шинос шуд.

6.9. Муштарӣ мустақилона барои пешниҳоди маълумот дар Мушахассоти Муштарӣ мутобиқи қонунгузории амалкунандаи Ҷумҳурии Тоҷикистон ӯҳдадор аст.

7. РОЗИГӢ БАРОИ ИСТИФОДАИ МАЪЛУМОТҲО

7.1. Оператор маълумотҳои истифодабарии замимаи «МобиГап» аз ҷониби Муштари, аз он ҷумла маълумоти шахсии Муштариро мутобиқи қоидаҳои тасдиқшудаи махфият аз ҷониби Оператор, ба даст меорад, ҷамъ менамояд ва аз он истифода менамояд.

7.2. Бо баробари бо замимаи «МобиГап» истифода бурдани Муштарӣ, ӯ бо он, ки Оператор метавонад маълумотҳои техникӣ ва маълумоти мувофиқшуда, аз он ҷумла, вале на маҳдуд ба маълумоти техникии таҷҳизоти Муштарӣ, маълумот оиди система ва замимаи музофотӣ, ки аз ҷониби Оператор барои барӯзгардонӣ/ворид намудани тағийрот ба функсияҳои замимаи «Моби Гап», ва дигар хизматрасониҳои ба замимаи «МобиГап» тааълуқдошта (дар ҳолати вуҷуди он) ҷамъ мегардад,_истифода_намояд.

8. ТАҒИЙРОТ БА СОЗИШНОМАИ МАЗКУР

8.1. Оператор ҳукуқ дорад, ки дар ҳама ҳолат метавонад ба Созишномаи мазкур тағийрот ворид намояд. Тағийротҳо дар сомонаи Оператор нашр гашта аз замони нашри он эътибор дорад.

8.2. Муштариён оиди тағийротҳо ба Созишномаи мазкур ва ё қатънамоии Созишномаи мазкур 10 (даҳ) рӯз пеш эътибор гирифтани чунин тағийротҳо огаҳ мегарданд. Созишномаи мазкур аз лаҳзаи дар огоҳӣ мушахассшудаи он тағийрёфта ё қатъгардида ҳисобида мешавад.

8.3. Агар, Муштарӣ дар давоми 10 (даҳ) рӯз аризаи норозигии худ оиди ворид намудани тағийротҳо ба Созишномаро ё радди қабули тағийротҳоро ба ҷониби Оператор ирсол нанамояд, ва/ё баъди эътибор гирифтани чунин тағийротҳо бо замимаи «МобиГап» истифодабариро давом диҳад, чунин тағийротҳо аз ҷониби Муштарӣ қабулшуда ҳисобида_мешавад.

9. ӮҲДАДОРИҲОИ МУШТАРӢ

9.1. Муштарӣ барои ҳамаи амалиётҳое, ки дар Ҳисоби муштарӣ рӯй медиҳад, ӯҳдадор аст ва дар ҳолати ғайриқонунӣ истифода шудан ва ё вайроншавии бехатарии Ҳисоби муштарӣ, Муштарӣ саривақт Операторро огаҳ месозад. Оператор барои зараре, ки ба ҷониби Муштарӣ дар натиҷаи истифодабарии замимаи «МобиГап» бо розиги ё бидуни хабар доштани Муштарӣ расонида шудааст, масъул намебошад.

9.2. Муштарӣ ҳақ надорад:
9.2.1. маълумоте, ки барои Муштарӣ тааълуқ надорад онро ба даст орад, гӯш диҳад, вайрон намояд ё дар мубодилаи он монеъ шавад;
9.2.2. бо мақсади ғалатсозӣ, несткунӣ, зараррасонӣ, тақлидкорӣ ва ё шикасти пуррагии замимаи «Моби Гап»-ро аз ягон барномаҳои кодӣ - «вирусҳоb компютерӣ», «троянҳои компютерӣ», «кирмҳои компютерӣ», «бомбаҳои суст амалкунанда» истифода намояд;
9.2.3. бидуни розигии гирандагони пайёмҳои тӯдаи тиҷоратӣ (инчунин бо номи «СПАМ» машҳуранд), ки мутобиқи муқаррароти амалкунандаи қонунгузорӣ манъ гаштаанд, ё бо мақсади «фишинг» («ба даст овардани маълумоти боарзиш), ё бо мақсади «фарминг» (равона намудани трафик ба ягон торнамоҳои махсус), ё бардурӯғ намудани ҳувияти худ ё тақлидкории алоқаи худ ба дигар ҷониб ё ширкат, аз замимаи «МобиГап»истифода намояд;
9.2.4. ба дигар Муштариён маълумотхои характери таҳқиромез дошта ё маълумотхои эҳтимолан ба шахсони ба балоғат нарасида, маълумотхои дорои характери қабеҳ ё дигар маълумотхои хатактери номатлуб доштаро фиристад;
9.2.5. кӯшиш намояд барои сохтани мамоният ё носозӣ ба ҷониби сеюм барои таҳдид ё дахолат кардан ба ҳаёти шахсии ҷониби сеюм, замимаи «Моби Гап»-ро истифода барад;
9.2.6. Маълумотҳои Муштарӣ, ки аз рӯи қонун ба ҷониби сеюм таалуқ дорад, ғайр аз ҳолатҳое, ки Муштарӣ розигии шахсони дорои чунин ҳуқуқҳоро дорад, истифода барад;
9.2.7. барои ба даст овардани маълумотҳои махфӣ, аз он ҷумла, номи дигар Муштариён замимаи «Моби Гап»-ро истифода барад;
9.2.8. барои дастрас будани функсияҳои замимаи «Моби Гап», хусусан, тариқи ҳуҷумҳои DOS (denialofservice – қатъи хизматрасонӣ) ё DDoS (distribut eddenial of service – қатъи хизматрасонии тавзифшуда), таъсир намояд ва ё кӯшиш намояд таъсир намояд.

10. ҚОИДАИ БОЗГАРДОНИДАНИ МАБЛАҒ

10.1. Агар, Муштарӣ барои тарофагузоришавии зангҳо тариқи замимаи «МобиГап» на аз рӯи тарофаи Оператор бовар дошта бошад, ӯ ҳуқуқ дорад дар давоми 30 (сӣ) рӣз аз лаҳзаи нодуруст рӯй додани чунин тарофагузорӣ ба тарзи хаттӣ ба Оператор аризаи худро пешниҳод намояд. Талаботҳо оиди бозгардонидани маблағ баъди гузаштани 30 (сӣ) рӯз аз лаҳзаи нодуруст рӯй додани чунин тарофагузорӣ беэътибор дониста мешавад.

10.2. Оператор, агар, гумон дошта бошад, ки:
(а) Муштарӣ кӯшиш дорад ғаразнок аз қоидаҳои бозгардонидани маблағ сӯиистифода менамояд, масалан, як чанд маротиба аризаи барои боз гардонидани як маблағи баҳсшаванда (оне, ки пештар баҳс шудааст) пешниҳод менамояд;
(б) Муштарӣ шартҳои Созишномаи мазкурро риоя наменамояд;
(в) аз рӯи маълумотҳои ба Оператор дастрас буда, Муштарӣ бо мақсади фиребгарӣ ё дар ҳолате, ки Ҳисоби муштарӣ аз ҷониби сеюм ба мақсадҳои қаллобӣ истифода мегардад, ҳақ дорад ариза оиди бозгардонидани маблағро радд намояд.

11. МОЛИКИЯТИ ХУСУСӢ

11.1. Замимаи «Моби Гап», аз он ҷумла сомонаи Оператор, инчунин нишони тиҷоратии «МобиГап»ва нусхаи он аз руи ҳуқуқҳои муаллиф ва талаботи қонунгузорӣ ҳамчун моликияти маънави ҳисоб мешавад.

11.2. Оператор соҳиби ном, ҳуқуқи муаллиф ва дигар ҳуқуқҳои маънавии замимаи «МобиГап»ва нусхаи он, тағийротҳо ба он, ва замимаи асосӣ (аз он ҷумла баёнҳои Муштариён оиди замимаи «Моби Гап») ба ҳисоб меравад.

12. ҲАЛЛИ БАҲСҲО

12.1. Ҳамаи баҳсҳо ва шикоятҳое, ки аз Шартномаи мазкур, бармеоянд бояд бо роҳи гуфтушунидҳо ҳал карда шаванд. Дар ҳолате, ки агар, Ҷонибҳо бо роҳи гуфтушунидҳо ба созиш наоянд, баҳсҳо тибқи тартиби муқарраргардидаи қонунгузории Ҷумҳурии Тоҷикистон ба суд пешниҳод мегардад.