Рӯзи 8-уми август дар Варзишгоҳи марказии ҷумҳуриявии шаҳри Душанбе бозии ниҳоӣ оид ба футболи хурд барои дарёфти «Ҷоми раиси шаҳри Душанбе» баргузор шуд. Дастаҳои «Вавилон» дар 2 гуруҳ: ҳавасмандон ва собиқадорон барои гирифтани унвони ғолибон мубориза бурданд. Бозӣ ба ҷашни ҳақиқии футбол табдил ёфт, ки дар он ҳар ду дастаи «Вавилон» маҳорати хуб нишон дода, собит карданд, ки рӯҳияи мағлубнопазирӣ доранд.

Вакте дастаи «Вавилон» ба майдон ворид шуд, шӯру валвала дар майдон танинандоз гардид. Дар вохӯрӣ бо дастаи «Динамо» дастаи собиқадорони «Вавилон» таҷриба ва маҳорати хуб нишон дода, бо хисоби 3:1 ғалаба кард Беҳтарин бозингари мусобиқа Файзуллоев Беҳрӯз бо нишон додани бозии ҳайратангез ва илҳомбахш, рӯҳияи дастаро баланд бардошт ва унвони бозингари беҳтаринро соҳиб шуд.

Дастаи собиқадорони «Вавилон» бори дигар беҳтарин бозии футболро нишон дода, дили мухлисонро ба даст овард ва мавқеи худро дар ҷадвали мусобиқа баланд бардошт.

Бо анҷом ёфтани бозии дастаи собиқадорони «Вавилон» дастаи ҳавасмандони «Вавилон» бо дастаи "Рахш Такси" вориди набард шуд. Ин бозии ҳаяҷоноваре буд, ки бо голзании пайдарпаи дастаҳо ба дарвозаи якдигар анҷом ёфт ва вақти асосӣ бо ҳисоби мусовии 3-3 ба поён расид. Мухлисон натиҷаро бесаброна интизор буданд ва дар зарбаҳои 11-метра дастаи «Вавилон» бо ҳисоби 5:4 ғалаба кард. Дар ин ҷо боз ҳам маҳорати Маҳмудов Хуршед қобили таҳсин аст, ки устоди ҳақиқӣ будани худро нишон дода, беҳтарин бозигари мусобиқа эътироф гардид.

Дастаҳои «Вавилон» шикастнопазирӣ ва иродаи бепоёни худро барои ғалаба нишон дода, мақоми қаҳрамонии худро дар мусобиқаи футбол бори дигар тасдиқ карданд!

Дастаҳои «Вавилон»-ро бо ғалабаи сазоворашон табрик намуда, ба онҳо дар майдонҳои варзишӣ муваффакиятҳои нав ба нав орзу мекунем!